TÜRKMENISTANDA DEMOKRATIK SAÝLAWLAR WE GENDER DEŇLIGI

Türkmenistanda Saýlawlary we sala salşyklary geçirmek baradaky merkezi topar 2023-nji ýylyň 26-njy martynda geçiriljek ählumumy demokratik saýlawlarda ýurdumyzda erkekleriň we zenanlaryň konstitusion deňhukuklylygyny görkezýän maglumatlary çap etdi. Hususan-da, saýlawlara gatnaşýanlaryň:

- merkezi saýlaw toparynyň agzalarynyň - 33,34 göterimi;

- welaýatlaryň we Aşgabat şäheriniň saýlaw toparlarynyň agzalarynyň - 19,70 göterimi;

- etraplaryň we etrap hukukly şäherleriň saýlaw toparlarynyň agzalarynyň - 32,33 göterimi;

- okrug saýlaw toparlarynyň agzalarynyň - 41,75 göterimi;

- etraplardaky şäherleriň, şäherçeleriň, geňeşlikleriň saýlaw toparlarynyň agzalarynyň – 40,01 göterimi;

- uçastok saýlaw toparlarynyň agzalarynyň - 43,45 göterimi zenanlardyr.

Saýlawda hasaba alnanlardan:

- Türkmenistanyň Mejlisiniň deputatlygyna dalaşgärleriň - 15,89 göterimi;

- welaýat halk maslahatlarynyň agzalygyna dalaşgärleriň 32.04 göterimi;

- etrap, şäher halk maslahatlarynyň agzalyga dalaşgärleriň 33,98 göterimi;

- Geňeşligiň agzalyga dalaşgärleriň - 30,72 göterimi zenanlardyr.

Şunuň bilen birlikde, saýlawlara ýerli derejede syn edýän milli synçylaryň 50,47 göterimi zenanlardyr.

Saýlawlaryň demokratik häsiýeti uzak wagtlaýyn iş saparlaryna gidýän ýa-da dynç alyşa çykan raýatlara, şeýle-de beýleki sebäplere görä saýlaw uçastogyna gelip bilmeýänlere wagtyndan öň ses bermek hukugynyň berilmegi bilen üpjün edilýär. Türkmenistanlylar ýurdumyzyň daşary ýurtlardaky diplomatik wekilhanalarynda döredilen saýlaw uçastoklarynyň 42-sinde geçiriljek saýlawlara gatnaşmak üçin konstitusion hukuklaryny amal edip bilerler. 

Türkmenistanda demokratik saýlawlar we gender deňligi (turkmenistan.gov.tm)