Nýu-Ýorkda Türkmenistanyň Bitaraplygyna bagyşlanan kararnamanyň taslamasynyň tanyşdyrylyşy geçirildi

2020-nji ýylyň 24-nji ýanwarynda Nýu-Ýorkda BMG-niň ştab-kwartirasynda Türkmenistanyň BMG-niň ýanyndaky Hemişelik wekilhanasy tarapyndan guralan «Halkara parahatçylygyň, howpsuzlygyň we durnukly ösüşiň saklanylmagynda we pugtalandyrylmagynda bitaraplyk syýasatynyň orny we ähmiýeti» atly Türkmenistanyň kararnamasynyň taslamasynyň tanyşdyrylyşy geçirildi.

Tanyşdyryş çäresine BMG-niň agza-döwletleriniň wekilleri we BMG-niň Baş Sekretarynyň Merkezi Aziýa boýunça Ýörite Wekili, BMG-niň Merkezi Aziýada Öňüni alyş diplomatiýasy boýunça Sebitleýin merkeziniň ýolbaşçysy hanym Natalýa German gatnaşdylar.

Tanyşdyryş dabarasynyň dowamynda oňa gatnaşajylara halkara parahatçylygynyň we tutuş dünýäde howpsuzlygyň pugtalandyrylmagyna ýardam berýän BMG-niň bitarap agza-döwletleriniň syýasaty hakynda giň maglumat berildi.

Çärä gatnaşanlara Türkmenistanyň hemişelik Bitaraplygynyň 25 ýyllygy mynasybetli 2020-nji ýylyň 11-12-nji dekabrynda Aşgabat şäherinde geçiriljek «Bitaraplyk syýasaty we onuň halkara parahatçylygy, howpsuzlygy we durnukly ösüşi üpjün etmekdäki ähmiýeti» atly halkara maslahatynyň geçirilmegine görülýän taýýarlyklar hakynda hem maglumat berildi.

https://neutrality.gov.tm/news/presentation-of-the-project-of-the-resolution-dedicated-to-the-neutrality-of-turkmenistan-held-in-new-york