HABARLAR
SAZANDALARYŇ BÄŞLIGI
«Aşgabat» seýilgähindäki Medeniýet merkezinde «Göwünleriň joşguny» («Душа поет…») atly kalplary gopduryjy kamera konserti geçirildi. Türkmenistanyň Döwlet simfoniki orkestrniň bäş solisti —Selbi Öwezowa (fleýtada), Ýusup Öwezow ( klarnetde), Aýbölek Muhiýewa (skripkada), Elman Hasyrow (altda), Ýusupgeldi Gandymow (Wiolonçelde) — aşgabatly diňleýjileriň öňünde täze saýlanan ajaýyp eserleriň nusgawy sazlary bilen çykyş etdiler.
Konserti Domeniko Çimarozanyň zalyň howasyny hoş owazy bilen gurşaýan sazy bilen açdy. Çimarozanyň sazyny çalmakda-da, hoşowazlylykda-da özünden öňküler bilen bäsleşýän Kristaf Willibald Glýukyň «Orfeý we Ewredika» operasyndan «Меlоdiýa» çalyşdy.
Tans sazlarynyň dowamyny öz möwç urýan owsuny bilen Bela Bartokanyň göçgünli «Rumyn halkynyň tanslary», Antonina Dworžakyň kalplary gozgaýjy «Slawýan tansy №2», Astro Pýassollanyň göçgünli tangosy we beýlekiler bilen alyp göterdiler.Her bir ýerine ýetirilen sazlarda kompozitoryň kesgitli dünýägaraýşynyň ýiti, düşnükli, durmuşa ynamlylyk jemleri duýulýardy.
Diňleýjiler sazandalaryň ýerine ýetiriş ussatlygyny uzaga çeken agzybirlikli elçarpyşmalar bilen bahalandyrdylar. Sazandalar programmadan daşgary Nikolaý Rimskiý-Korsakowyň erjelje möjejigiň janly hereketini ýatladýan «Arynyň uçuşy» atly sazyny ýerine ýetirdiler.
— Biziň üçin naýbaşy nusgawy saz eserlerinden öz watandaşlarymyzyň alaýn lezzetlerini sowgat etmek juda ýakymlydyr — diýip,saz toparynyň agzalarynyň biri Selbi Öwezowa aýdýar. — Biziň saz toparymyzyň agzalary saýlanan eserleriň ýaňlanmagyna baglylykda üýtgäp durýar. Diňe bir zat — auditoriada diňleýjiler bilen duşuşyp, olary gyzykly sazlary ýerine ýetirip, şatlandyrmak üýtgemeýär.